基層兒童成長攝影展《寶貝‧十年》 Our Treasure – Ten Years Later

Facebooktwittergoogle_pluslinkedinmail

得閒去左香港社區組織協會 Society for Community Organization搞既基層兒童成長攝影展《寶貝‧十年》,以前都有做過呢個組織既義工,幫助一啲深水埗區既基層兒童;呢個攝影展追蹤10年前既受助人,再喺今日對比佢地既生活變化,分享貧窮孩子為實現夢想而努力和蛻變的生命故事;我去到既時候場內無咩人,可能係活動宣傳不多吧。

攝影展主要拍左唔同受助人既故事,細細個已經要執紙皮,賣汽水罐,輟學出社會工作對我黎講難以想像。

細佬中四輟學後從事勞力工作,概嘆社會勞力工作付出多回報少;唯有支持家姐在職進修,改善工作發展

爸爸在地盤工作,媽媽在茶記上班,每天只有30元花在早午餐,所以為了省錢,會選擇吃即食麵,每天上學回家則步行半小時

原本希望成為律師,後來發覺自己有繪畫天份,雖然升不到大學,但憑一對巧手,教授其他人畫畫,也可畫出一片天

「人生就像拉糖,需要捱得高溫的苦,經過磨練,才可以達至最美妙的境界 」

小時家窮,為了買電腦,和媽媽以麵包代餐,每月供款,花了一年時間供款;現在全職加兼職每天工作14小時,已儲夠學費可遠赴加拿大參加飛機師訓練,期望考取飛機師牌。

在香港出生的尼泊爾人

何太的3個女兒因為得到Soco的義工幫助,發掘音樂才能,得以學習鋼琴(6級),入讀Band 1學校,現場都見到睇起來頑皮既細女(右下)

 上圖何太是組織既義工,感概地表示香港大學校友義工幫佢教好3個女兒,改變一生既命運。平時接觸都係生意佬比較多,講黎講法最多係話生意差左,要跑多啲數。見到基層朋友面對巨大困難都一樣樂觀面對,就會發覺其實每日面對都係一啲無關痛癢既小事,雖然逆境一時三刻無法改變,但係只要努力做好自己,終有一日可到達彼岸。今日學到既一課都好有意義,令我記起以前幼稚園既往事。

希望傳媒可以撰寫多啲正面既新聞予公眾參考。:-D

不同受助人照片

基層兒童成長攝影展《寶貝‧十年》:https://www.facebook.com/events/505717166251071/permalink/505723582917096/ 

This entry was posted in 悠閒事, 社會, 義務工作. Bookmark the permalink.

發表迴響