月份: 2015 年 7 月

發佈於

基層兒童成長攝影展《寶貝‧十年》 Our Treasure – Ten Years Later

Facebooktwitterlinkedinmail

得閒去左香港社區組織協會 Society for Community Organization搞既基層兒童成長攝影展《寶貝‧十年》，以前都有做過呢個組織既義工，幫助一啲深水埗區既基層兒童；呢個攝影展追蹤10年前既受助人，再喺今日對比佢地既生活變化，分享貧窮孩子為實現夢想而努力和蛻變的生命故事；我去到既時候場內無咩人，可能係活動宣傳不多吧。

攝影展主要拍左唔同受助人既故事，細細個已經要執紙皮，賣汽水罐，輟學出社會工作對我黎講難以想像。

細佬中四輟學後從事勞力工作，概嘆社會勞力工作付出多回報少；唯有支持家姐在職進修，改善工作發展
爸爸在地盤工作，媽媽在茶記上班，每天只有３０元花在早午餐，所以為了省錢，會選擇吃即食麵，每天上學回家則步行半小時
原本希望成為律師，後來發覺自己有繪畫天份，雖然升不到大學，但憑一對巧手，教授其他人畫畫，也可畫出一片天
「人生就像拉糖，需要捱得高溫的苦，經過磨練，才可以達至最美妙的境界 」
小時家窮，為了買電腦，和媽媽以麵包代餐，每月供款，花了一年時間供款；現在全職加兼職每天工作１４小時，已儲夠學費可遠赴加拿大參加飛機師訓練，期望考取飛機師牌。
在香港出生的尼泊爾人
何太的３個女兒因為得到Soco的義工幫助，發掘音樂才能，得以學習鋼琴（６級），入讀Band 1學校，現場都見到睇起來頑皮既細女（右下）

 上圖何太是組織既義工，感概地表示香港大學校友義工幫佢教好３個女兒，改變一生既命運。平時接觸都係生意佬比較多，講黎講法最多係話生意差左，要跑多啲數。見到基層朋友面對巨大困難都一樣樂觀面對，就會發覺其實每日面對都係一啲無關痛癢既小事，雖然逆境一時三刻無法改變，但係只要努力做好自己，終有一日可到達彼岸。今日學到既一課都好有意義，令我記起以前幼稚園既往事。

希望傳媒可以撰寫多啲正面既新聞予公眾參考。:-D

不同受助人照片

基層兒童成長攝影展《寶貝‧十年》：https://www.facebook.com/events/505717166251071/permalink/505723582917096/ 

發佈於

新產品挑戰客服領域：一鍵通

Facebooktwitterlinkedinmail

一鍵通 OneDial Logo

好開心又推出新產品喇，產品名為一鍵通OneDial，開發呢個產品既原因係經常睇到銀行，電訊商，信用咭公司俾客戶投訴服務有問題，所以希望做一個應用可以幫助客戶連接企業，從而助企業改善服務質素，使客戶更快得到協助。

產品現階段的功能簡單，提供全港不同行業的客戶服務熱線，助用戶自動撥通電話錄音系統，找到真人協助解決問題 ，不用等待冗長電話錄音目錄；個人因工作緣故偶爾打入公司銀行客服熱線，但經常迷失在目錄中，浪費時間。

第一步的功能較為簡單，吸收用戶意見後會再決定新功能如對話錄音，客服評分及留言，Facebook分享留言，自定義客服號碼等。目標成為企業和消費者的橋樑，除了電話錄音、電郵、門市、公司網頁外，可提供一個快捷的客服平台，比Whatsapp更有私隱性，比電郵及電話錄音更快捷方便。

一鍵通所有電話錄音直線號碼由我及同事花了一星期時間收集，相信我一世人幾日內都未試過打咁多電話，都算係一個特別工作體驗；如有任何錯漏，希望大家可以回報問題，以作修改。

請大家下載試用畀啲意見我地啦，唔該晒！:-)

下載連結：https://play.google.com/store/apps/details?id=com.sillycube.OneDial